უკრაინის საგარეო საქმეთა მინისტრმა კანადელ კოლეგას უმასპინძლა კიევში. კანადის ხელისუფლებამ გასულ სექტემბერს ხელი მოაწერა უკრაინისთვის მომავალი სამი წლის განმავლობაში 650 მილიონი ამერიკული დოლარის მოცულობის სამხედრო დახმარების გაწევის თაობაზე ხელშეკრულებას კიევთან.
ორი სახელმწიფოს საგარეო საქმეთა მინისტრებმა ასევე ისაუბრეს დიდი შვიდეულის მიერ რუსეთის ფედერაციის გაყინული აქტივების კიევისთვის გადაცემის თაობაზეც, საქმე ეხება 200 მილიარდ ამერიკულ დოლარზე მეტს.
უკრაინის საგარეო საქმეთა მინისტრი მომავალს ოპტიმისტურად უყურებს.
“ვმუშაობთ რუსეთის ფედერაციის გაყინული აქტივების უკრაინისთვის გადაცემის მიზნით, ეს უკრაინის აღდგენას უნდა მოხმარდეს. ყველასთვის ნათელია, რომ რუსულმა მხარემ პასუხი უნდა აგოს. დიდი შვიდეულის მიერ მიღებული გადაწყვეტილებები გადამწყვეტი იქნება”, – აცხადებს დმიტრო კულება, უკრაინის საგარეო საქმეთა მინისტრი.
Welcome to Ukraine, @MelanieJoly!
Canada is a close friend and ally who provides long-term support.
We focused on Ukraine-Canada free trade, the use of frozen Russian assets, military aid, sanctions, the Peace Formula, and the return of Ukrainian children kidnapped by Russia. pic.twitter.com/jZq1cUGday
— Dmytro Kuleba (@DmytroKuleba) February 2, 2024
კანადის საგარეო საქმეთა მინისტრი კი ამბობს რომ კიევის მომავალი ნატოშია.
“უკრაინელებს ომის შემდეგ ძალიან საშიშ მეზობელთან მოუწევთ თანაცხოვრება, რუსეთის ფედერაციასთან. მოწადინებულნი ვართ, რომ უკრაინას შეუფერხებლად მიეწოდოს დახმარება, ეს გულისხმობს გრძელვადიან პროცესს და მე და უკრაინის საგარეო საქმეთა მინისტრი სწორედ ამ საკითხებზე ვიმსჯელებთ. აუცილებელია უკრაინასა და ნატოს შორის თანამშრომლობის გაღრმავებაც, რადგან უკრაინის მომავალი სწორედ ნატოსთანაა დაკავშირებული”, – აცხადებს მელანი ჯოლი, კანადის საგარეო საქმეთა მინისტრი.
