დონალდ ტრამპი-სა და ვლადიმერ პუტინი-ს შორის სატელეფონო საუბარი შედგა — პირველი 2026 წლის განმავლობაში. როგორც თეთრი სახლი-სა და კრემლი-ში აღნიშნეს, საუბრის მთავარი თემა უკრაინის ომი იყო, თუმცა საუბარი შეეხო კიდევ ერთ ომს — ამჯერად ირანში.
ახლო აღმოსავლეთში მიმდინარე სამხედრო ოპერაციის ფონზე რუსეთ-უკრაინას შორის აშშ-ის შუამავლობით მიმდინარე სამშვიდობო პროცესზე სიახლეები ნაკლებია. სწორედ ამიტომ ამერიკელ პრეზიდენტს ჟურნალისტებმა საქმის ირგვლივ მეტი დეტალი სთხოვეს. როგორც ამერიკელი პრეზიდენტი ამბობს, მან ზუსტად იცის, თუ რაში შეუძლია რუსეთს სასარგებლო იყოს, და ეს ვლადიმერ პუტინსაც ღიად უთხრა.
„ვისაუბრეთ ახლო აღმოსავლეთზეც და მას სურს, იყოს სასარგებლო ამ პროცესში. მე ვუთხარი, რომ მეტ დახმარებას შეძლებს, თუ რუსეთ-უკრაინის ომს დაასრულებს — ეს უფრო სასარგებლო იქნება. კარგად ვისაუბრეთ და მას სურს იყოს ძალიან კონსტრუქციული. ზოგადად პრეზიდენტ პუტინთან ძალიან კარგი სატელეფონო საუბარი მქონდა. ჩემი და მისი მხრიდან ამ სატელეფონო ხაზში კიდევ ბევრი ადამიანი იყო ჩართული. ვისაუბრეთ უკრაინაზე, ამ დაუსრულებელ ბრძოლაზე. არსებობს უზარმაზარი ზიზღი პრეზიდენტ პუტინსა და პრეზიდენტ ზელენსკის შორის — მათ უბრალოდ სხვანაირად არ შეუძლიათ. ვთვლი, რომ ამ მიმართულებით საუბარი პოზიტიური იყო“, — აღნიშნა დონალდ ტრამპმა.
როგორც კრემლში ამბობენ, მოსკოვში ვაშინგტონმა დარეკა, რათა გლობალურ პოლიტიკაში მიმდინარე ბოლო სიახლეები განეხილათ. ერთსაათიანი დიალოგის შემდეგ ბევრი არაფერი თქმულა, თუმცა გამოჩნდა, თუ რაზე აკეთებს გათვლას მოსკოვი. კერძოდ, საგარეო საკითხებში ვლადიმერ პუტინის მრჩეველმა ჟურნალისტებთან სატელეფონო ინტერვიუში აღნიშნა, რომ ფრონტის ხაზზე მოსკოვის პოზიციონირება კიევს კონკრეტული მიმართულებით ბიძგს მისცემს.
„განვიხილეთ ამჟამინდელი მდგომარეობა ფრონტის ხაზზე, სადაც რუსეთის სამხედრო ძალები წარმატებით მიიწევენ წინ. ეს არის ფაქტორი, რომელმაც ბიძგი უნდა მისცეს კიევის რეჟიმს, რათა საბოლოოდ კონფლიქტის მოლაპარაკებებით დასრულებას დათანხმდეს. პირდაპირ გეტყვით, რომ საუბარი საქმიანი, გულწრფელი და კონსტრუქციული იყო, რაც ამერიკისა და რუსეთის ლიდერებს შორის საუბარს ახასიათებს.
რუსეთის პრეზიდენტმა გამოთქვა არაერთი შეხედულება, რომელიც ირანში კონფლიქტის პოლიტიკურ და დიპლომატიურ ჭრილში სწრაფ დასრულებას ეხებოდა — მათ შორის სპარსეთის ყურის ქვეყნების ლიდერებთან და ირანის პრეზიდენტ მასუდ ფეზეშქიანი-თან საუბრის გათვალისწინებით.
აშშ-ის პრეზიდენტმა თავისი შეფასება მისცა ამ ვითარებას აშშ-ისა და ისრაელის ერთობლივი ოპერაციის კონტექსტში. ხაზი გაესვა, რომ ამ მხრივ შედგა საგნობრივი და სასარგებლო აზრთა გაცვლა. პრეზიდენტმა ტრამპმა ასევე გამოხატა დაინტერესება უკრაინაში კონფლიქტის სწრაფი დასრულების მიმართ — ცეცხლის შეწყვეტისა და კონფლიქტის ხანგრძლივი ვადით დარეგულირების მიზნით. ჩვენი მხრივ, აშშ-ის შუამავლობისა და ძალისხმევის მიმართ დადებითი შეფასება გამოვთქვით“, — უპასუხა ჟურნალისტებს ვლადიმერ პუტინის თანაშემწემ, იური უშაკოვი-მა.
მხარეებს არ დაუმალავთ, რომ ორი ქვეყნის ლიდერებმა განიხილეს ვენესუელა-ს ირგვლივ შექმნილი მდგომარეობა და ზოგადად ნავთობთან დაკავშირებული საკითხები.
დასავლურ მედიაში აქტიურად წერენ, რომ ბაზრებზე რყევების გათვალისწინებით შესაძლოა აშშ-მა რუსეთისთვის დაკისრებული სანქციები შეამსუბუქოს. ზოგიერთი მედიასაშუალების ინფორმაციით, ვაშინგტონში უკვე დაწყებულია განხილვები. მიზანი გლობალური ენერგეტიკული ფასების დარეგულირება და მიწოდების განახლებაა.
თუმცა ამგვარი ნაბიჯი რუსეთს ომის დაფინანსებას გაუადვილებდა, რასაც ვაშინგტონი თავიდანვე ეწინააღმდეგებოდა. შესაბამისად, საკითხი ჯერ კიდევ ღიად რჩება.