ნიუ-იორკის მერი ერიკ ადამსი თბილისშია. ნიუ-იორკის მერმა სასტუმრო ტელეგრაფში გახსნა ნიუ-იორკის სუიტი – სპეციალურად შექმნილი სივრცე, რომელიც ნიუ-იორკის ენერგიას, უნიკალურ დინამიკას და გლობალურ სულს ასახავს.
ადამსი საქართველოს სილქ როუდ ჯგუფისა და USA Georgia Legacy Foundation-ის მოწვევით ესტუმრა. ეს ვიზიტი მნიშვნელოვანი ნაბიჯია თბილისსა და მსოფლიოს ერთ-ერთ ყველაზე გავლენიან ქალაქს, ნიუ-იორკს, შორის კულტურული და მეგობრული კავშირების გაღრმავების გზაზე.
ერიკ ადამსის სტუმრობა კიდევ ერთხელ უსვამს ხაზს თბილისის, როგორც კულტურული დიალოგისა და საერთაშორისო ურთიერთობების ცენტრის, მზარდ როლს.
ნიუ-იორკის სუიტი სასტუმრო ტელეგრაფში ორ ქალაქს, თბილისსა და ნიუ-იორკს შორის მეგობრობის სიმბოლო გახდება. მათ შემოქმედებითი სული, ამბიცია და მსოფლიოს მიმართ გახსნილობა აერთიანებს.
სასტუმრო ტელეგრაფი გახსნისთანავე გახდა თბილისელებისთვის და ქალაქის სტუმრებისთვის შეხვედრის საყვარელი ადგილი.
