მოჯთაბა ხამენეი კვლავ არ ჩანს. მამამისის, ალი ხამენეი-ს სიკვდილიდან რამდენიმე დღეში მისი თანამდებობის დაკავების შემდეგ ახალი ლიდერი საჯაროდ არც ერთხელ არ გამოჩენილა. ეს კი მის ჯანმრთელობასა და ადგილსამყოფელთან დაკავშირებით კითხვებს აჩენს.
თავდაპირველად გავრცელებული ცნობები მიანიშნებდა, რომ მოჯთაბა ხამენეი აშშ-ისა და ისრაელი-ს ერთობლივი სამხედრო ოპერაციის პირველ დღეს თეირანი-ზე იერიშისას მამასთან ერთად დაიღუპა.
როგორც მოგვიანებით გაირკვა, თავდასხმას, რომელსაც მისი დედა, მამა, ცოლი და, შესაძლოა, ოჯახის სხვა წევრებიც ემსხვერპლნენ, თავად მოჯთაბა ხამენეი გადაურჩა.
შემდეგ ირანის ექსპერტთა საბჭო-მ იგი მამის მემკვიდრედ აირჩია. პროცესი სრულიად დაფარულად წარიმართა და განხილვების დეტალები საზოგადოებისთვის უცნობი დარჩა. ამასთან, 3 მარტს საბჭოს შენობაზე დარტყმის შემდეგ კითხვის ნიშნის ქვეშ დადგა ისიც, საერთოდ ცოცხალია თუ არა ამ ორგანოს 88-ვე წევრი.
თანამდებობაზე დანიშვნიდან რამდენიმე დღე გავიდა, თუმცა არ გავრცელებულა არც ერთი ვიდეომიმართვა, არც ერთი წერილობითი განცხადება და არც ერთი ახალი ფოტო. მოჯთაბა ხამენეი არც საკუთარ ინაუგურაციაზე გამოჩენილა.
ამან საფუძველი მისცა ვარაუდს, რომ ირანის ისლამური რესპუბლიკის ახალი უზენაესი ლიდერი, შესაძლოა, მძიმედ არის დაშავებული.
ირანის ელჩმა კვიპროსი-ში, ალირეზა სალარიანი-მ The Guardian-ს განუცხადა, რომ მოჯთაბა ხამენეის ხელები და ფეხები აქვს დაზიანებული და რომ მის ხელთ არსებული ინფორმაციით ახალი ლიდერი საავადმყოფოში იმყოფება. მისი დაშავების შესახებ იუწყებოდა როგორც ისრაელის, ისე საერთაშორისო მედიაც.
ამასთან, ირანის სახელმწიფო მედიამ მოჯთაბა ხამენეი მოიხსენია ტერმინით, რომელსაც მაშინ იყენებენ, როცა ომში დაშავებულ ვეტერანებზე საუბრობენ.
ირანის პრეზიდენტის ვაჟი და მრჩეველი, იუზეფ ფეზეშქიანი კი Telegram-არხზე წერს, რომ მისი წყაროების თანახმად, მოჯთაბა ხამენეი „უსაფრთხოდაა და დაცულ ადგილზე იმყოფება“.
იმ ფონზე, როცა ვრცელდება ცნობები, რომ ისლამური რევოლუციის გუშაგთა კორპუსი, რომელიც პირდაპირ უზენაეს ლიდერს ექვემდებარება, ალი ხამენეის სიკვდილის შემდეგ დამოუკიდებლად მოქმედებს, გაურკვეველია, საერთოდ აქვს თუ არა ვინმეს — მათ შორის ახალ უზენაეს ლიდერს — რევოლუციურ გვარდიაზე კონტროლი თითქმის ორი კვირის წინ დაწყებულ ომში.