უკრაინამ დიპლომატიური ურთიერთობა აღადგინა სირიასთან. ორი ქვეყნის ლიდერებს, ვოლოდიმირ ზელენსკისა და აჰმედ ალ-შარაას, შორის შეხვედრა შედგა ნიუ-იორკში, გაეროს გენერალური ასამბლეის მე-80 სესიის ფარგლებში.
პლატფორმა X-ზე ვოლოდიმირ ზელენსკიმ დაწერა, რომ უკრაინა მზად არის, სირიასთან განავითარონ სხვადასხვა სფეროში თანამშრომლობის პერსპექტივები.
Today, Ukraine and Syria signed a Joint Communiqué on the restoration of diplomatic relations. We welcome this important step and are ready to support the Syrian people on their path to stability.
During our negotiations with President of Syria Ahmed al-Sharaa, we also discussed… pic.twitter.com/HBXsoaRob8
— Volodymyr Zelenskyy / Володимир Зеленський (@ZelenskyyUa) September 24, 2025
კიევსა და დამასკოს შორის დიპლომატიური ურთიერთობები გაწყვეტილი იყო 2022 წლის ივნისიდან. მაშინ ბაშარ ალ-ასადის რეჟიმმა აღიარა რუსეთის მიერ ოკუპირებული დონეცკისა და ლუჰანსკის ე.წ. „დამოუკიდებლობა“. 2024 წლის დეკემბრის მიწურულს სირიაში დიპლომატიური მოლაპარაკებების გასამართად ჩავიდა უკრაინის საგარეო საქმეთა მინისტრი ანდრიი სიბიჰა.
კრემლის მიერ კონტროლირებადი ტერიტორიების აღიარების გამო 2018 წლიდან სირიასთან ურთიერთობა გაწყვეტილი აქვს საქართველოსაც.
