ახლო აღმოსავლეთში მიმდინარე კრიზისის შედეგად ქვეყანაში დაზარალებულთა მხარდასაჭერად ლიბანში ევროკავშირის ინიციატივით ჰუმანიტარული მარაგებით სავსე სამი თვითმფრინავი ჩაფრინდება. პირველი თვითმფრინავი ბეირუთში 11 ოქტომბერს ჩავა.
„ევროკავშირი მის ხელთარსებულ ყველა გადაუდებელ ინსტრუმენტს იყენებს ლიბანისა და მიმდინარე კრიზისის შედეგად დაზარალებული ლიბანელი ხალხის მხარდასაჭერად. დღეს ვიწყებთ ჰუმანიტარული საჰაერო ხიდის ოპერაციას. ის ითვალისწინებს ლიბანში სამი თვითმფრინავის ჩასვლას, რომლებიც სავსეა ჰუმანიტარული დახმარების საგნებით. თვითმფრინავებით ლიბანელი ხალხისთვის სხვადასხვა მედიკამენტს, სამედიცინო აღჭურვილობას, ჰიგიენურ საშუალებასა და თავშესაფრებში მყოფი ადამიანებისთვის საჭირო ნივთებს ჩაიტანენ“, – განაცხადა ევროკომისიის პრესსპიკერმა ბალაზს უჯვარმა.
We are mobilising all the emergency response tools at our disposal to support people affected by the ongoing crisis in Lebanon.
In addition to the Humanitarian Air Bridge, aid from 🇪🇸🇸🇰🇵🇱🇫🇷🇧🇪 has been delivered to Beirut since last week through the #EUCivilProtection Mechanism.… https://t.co/zwUYizxtFX
— European Commission (@EU_Commission) October 9, 2024
ლიბანის მთავრობის შეფასებით, მილიონზე მეტი ადამიანი იძულებით გადაადგილებული პირად იქცა ისრაელის საბრძოლო მოქმედებების შედეგად. ევროკავშირის ჰუმანიტარული დახმარება სწორედ კონფლიქტის შედეგად დაზარალებულებს მოხმარდებათ.
