ევროპარლამენტმა მხარი დაუჭირა უკრაინისთვის 35 მილიარდი ევროს ოდენობის სესხის გადაცემას. საუბარია გაყინულ რუსულ აქტივებზე.
განკარგულების მომხრე ევროპარლამენტის 518 დეპუტატი აღმოჩნდა, მოწინააღმდეგე 56, 61-მა კი თავი შეიკავა. ევროპარლამენტის პრეზიდენტის, რობერტა მეცოლას, განცხადებით, სესხი წარმოადგენს დიდი შვიდეულის დახმარების პაკეტის ნაწილს, რაც უკრაინის სამხედრო დახმარებას და ომის შემდგომ ქვეყნის ინფრასტრუქტურულ აღდგენას მოხმარდება.
European Parliament gaved green light to an extraordinary loan of up to €35 billion to Ukraine, to be repaid with future revenues from frozen russian assets.
As @RobertaMetsola said: “This is another historic moment. We are sending a very strong message that we will use the… pic.twitter.com/IQTfuByNS4
— Olena Kondratiuk (@Ole_Kondratiuk) October 22, 2024
„ეს კიდევ ერთი ისტორიული მომენტია და ამ ხმით ჩვენ მკაფიო და საკმაოდ მძლავრ სათქმელს ვამბობთ, ჩვენ ვიყენებთ სარგებელს რუსეთის გაყინული აქტივებიდან. რუსეთმა, როგორც აგრესორმა, აუცილებლად უნდა გადაიხადოს საფასური ჩადენილი ქმედებებისთვის. დიდება უკრაინას!“ – განაცხადა ევროპარლამენტის პრეზიდენტმა რობერტა მეცოლამ.
როგორც ცნობილია, ფინანსური პაკეტი უკრაინას 2025 წლის ბოლომდე ეტაპობრივად მიეწოდება. სანაცვლოდ კიევმა კონკრეტული რეფორმები უნდა გაატაროს, მათ შორის ადამიანის უფლებებისა და კორუფციის აღმოფხვრის მიმართულებით.
