ქართული კინემატოგრაფის განვითარების კიდევ ერთი ახალი ეტაპი სულ მალე „ნიუ ვიჟენ უნივერსიტეტის“ კიდევ ერთი იდეის განხორციელებით დაიწყება.
პროექტი, რომელსაც ამ უნივერსიტეტის კინოსკოლა და კინოსტუდია ახორციელებს, შესაძლებელი გახდა ამერიკის განვითარების სააგენტოს, USAID-ის პროგრამის „დამსაქმებლები პროფესიული განათლებისთვის” მხარდაჭერით.
ეს პროექტი ყოველმხრივ გამართული კინოს ხელოვნებისა და კინოწარმოების სტუდიების მოწყობას ითვალისწინებს.
კინოსტუდიის ტექნიკურად გამართვამდე „ნიუ ვიჟენ უნივერსიტეტში“ ამერიკიდან მაჰარეშის საერთაშორისო უნივერსიტეტის კინოს სხვადასხვა მიმართულების სპეციალისტები ჩამოვიდნენ, რომელთაც ქართველ პროფესიონალებს სწავლების ამერიკული პრაქტიკა შეასწავლეს.
