ჩრდილოეთ ავღანეთში 6.3 მაგნიტუდის სიმძლავრის მიწისძვრა მოხდა, რის შედეგადაც 20-მდე ადამიანი დაიღუპა და 300-ზე მეტი დაშავდა. ინფორმაციას ავღანეთის ჯანდაცვის სამინისტრო ავრცელებს.
მოსალოდნელია, რომ დაღუპულთა რიცხვი გაიზარდოს, რადგან მაშველები ზოგიერთ რაიონში ჯერ კიდევ აგრძელებენ სამაშველო სამუშაოების შესრულებას.
აშშ-ის გეოლოგიური სამსახურის ცნობით, მიწისძვრის ეპიცენტრი ქალაქ ხულმიდან 22 კილომეტრში მდებარეობდა.
მიწისძვრა იგრძნობოდა ავღანეთის დედაქალაქ ქაბულში, ასევე ავღანეთის ბალხისა და სამანგანის პროვინციებში.
