„ქართველი ჟურნალისტი, მზია ამაღლობელი 4 მარტს სასამართლოს წინაშე წარდგება. ის დაუყოვნებლივ უნდა გათავისუფლდეს პატიმრობიდან“, – წერს გერმანიის საგარეო საქმეთა სამინისტრო პლატფორმა X-ზე.
Georgian 🇬🇪 journalist @MAmaghlobeli will appear in court tomorrow after over a month in detention. She must be released immediately. @GeorgianDream41 continues its campaign of intimidation against journalists, protesters & the opposition. We stand by those defending freedom.
— GermanForeignOffice (@GermanyDiplo) March 3, 2025
გერმანიის დიპლომატიური უწყების განცხადებით, „ქართული ოცნება“ აგრძელებს ჟურნალისტების, პროტესტის მონაწილეებისა და ოპოზიციის წარმომადგენლების დაშინებას. საგარეო საქმეთა სამინისტრო სოლიდარობას უცხადებს ქართველ ხალხს და აცხადებს, რომ „მხარს უჭერს თავისუფლების მცველებს“.
4 მარტს ბათუმის საქალაქო სასამართლოში მზია ამაღლობელის პროცესი უნდა გაიმართოს. ავტორიტეტიანი გამოცემების „ნეტგაზეთისა“ და „ბათუმელების“ დამფუძნებელი და ჟურნალისტი 11 იანვარს დააკავეს. ბრალდების მხარე მას სისხლის სამართლის კოდექსის 353-ე პრიმა მუხლით გათვალისწინებული დანაშაულის ჩადენას ედავება, რაც 4-დან 7 წლამდე თავისუფლების აღკვეთას ითვალისწინებს.
