რუსეთის ჩრდილო-დასავლეთში, კარელიის რესპუბლიკაში ძლიერი წვიმების გამო წყალსაცავში წყლის დონემ მკვეთრად აიწია, რის შედეგადაც წყალსაცავის კაშხალი გაირღვა.
ამის შესახებ რეგიონის ოფიციალურმა წარმომადგენელმა, არტურ პარფენჩიკოვმა, ვებსაიტზე VKontakte-ზე დაწერა.
წყალსაცავის დაზიანების შედეგად სულ მცირე 4 ადამიანი უგზო-უკვლოდაა დაკარგული.
პარფენჩიკოვის თქმით, წყალდიდობის შედეგად დაზარალებულ რაიონში 100-ზე მეტი მეხანძრე და სასწრაფო დახმარების ექიმები გაგზავნეს.
მომხდარის გამო ხელისუფლებამ საგანგებო მდგომარეობა გამოაცხადა.
სახელმწიფო საინფორმაციო სააგენტო TASS იტყობინება, რომ 13 საცხოვრებელი სახლი დაინგრა, თავდაპირველად 6 მოქალაქე დაკარგულად ითვლებოდა, მაგრამ მოგვიანებით მაშველებმა ორი მათგანი იპოვეს, მათ შორის ერთი ბავშვია.
