ვის ეშინია დემოკრატიის სოხუმსა და თბილისში? – ამ თემაზე დღეს თბილისში დისკუსია გაიმართა. „დემოკრატიის კვლევის ინსტიტუტის” წარმომადგენლებმა და მოწვეულმა სტუმრებმა ბევრი ისაუბრეს რუსული გავლენის საქართველოში გაძლიერებაზე, ე.წ. „რუსულ კანონზე”, რომელიც უკვე მიიღეს თბილისში და დაინიციირებულია აფხაზეთის დე-ფაქტო პარლამენტში.
დისკუსიათა ციკლს, რომელიც საქართველოში 6 თვის განმავლობაში გაგრძელდება, „ფრიდრიხ ებერტის ფონდი” აფინანსებს და სწორედ ამ ციკლის ფარგლებში თვეში ერთხელ არასამთავრობო სექტორი მოქალაქეებსა და მედიასთან ერთად იმსჯელებს ოკუპირებულ ტერიტორიებზე არსებულ გამოწვევებზე.
