ხაიალ მოჰამამის ოჯახი გასული 17 წელი ჩრდილო-დასავლეთ პაკისტანის ქალაქ პეშავარში ცხოვრობდა.
პაკისტანის მთავრობის გადაწყვეტილებით, ახლა ხაიალს და მის მცირეწლოვან შვილებს, ავღანეთში დაბრუნება უწევთ, რადგან არც პაკისტანის მოქალაქეობა აქვთ და არც ბინადრობის უფლება.
„თალიბანის მთავრობას ვერანაირ დახმარებას ვერ ვთხოვთ. ავღანეთიდან იმიტომ გამოვიქეცით, რომ იქ ცხოვრება არ გვინდოდა. ახლა უკან დაბრუნება და ყველაფრის თავიდან დაწყება წარმოუდგენელია. ნახეთ რა პირობებში ვართ. საერთაშორისო თანამეგობრობას ვთხოვთ დახმარებას. იქნებ თავშესაფარი უზრუნველყონ ჩვენთვის. ჩვენ რაღაც ნივთები მაინც გვაქვს. არიან ისეთი ოჯახები, ვისაც საერთოდ არაფერი აბადია. არავინ გვეხმარება. არც საკვები გვაქვს, არც წყალი და არც წამლები. ძალიან რთულია ასე ცხოვრება“, – ამბობს ხაიალ მოჰამამი.
ხაიალ მოჰამამს 5 შვილი ჰყავს. შვილები და მეუღლე თავიანთ პრობლემებზე საუბრობენ და ამბობენ, რომ თალიბების მიერ მოწყობილ ბანაკებში ცხოვრება გაუსაძლისი იქნება. სხვა დახმარებას მათ არავინ ჰპირდება.
„იმიტომ ვტირი, რტომ მცივა. წუხელ ძალიან ციოდა და არც არაფერი გვაქვს ნორმალურად დასაძინებლად. არც საბანი, არც ბალიშები. აი, რით დავლიე ჩაი საუზმეზე. ამ მდგომარეობაში ვცხოვრობთ“,- ამბობს ხაიალის შვილი ჰავა მოჰამამი.
“The conditions in which they arrive in Afghanistan are dire, with many having endured arduous journeys spanning several days, exposed to the elements, and often forced to part with their possessions in exchange for transportation.” https://t.co/d8SczyUie8
— IRC – International Rescue Committee (@RESCUEorg) November 2, 2023
