9 აპრილთან დაკავშირებით განცხადება გაავრცელა საქართველოში საფრანგეთის საელჩომაც.
განცხადებაში წერია, რომ ეროვნული ერთიანობის დღის წინ საფრანგეთი პატივს მიაგებს იმ ქართველი ქალებისა და კაცების ხსოვნას, რომლებიც საბჭოთა არმიამ თავისუფლებისა და დამოუკიდებლობისთვის ბრძოლის გამო 1989 წლის 9 აპრილს იმსხვერპლა.
„საფრანგეთი აგრძელებს ქართველი ხალხის გვერდით დგომას დამოუკიდებლობის, დემოკრატიისა და ევროპისკენ მის სწრაფვაში”, – წერია საქართველოში საფრანგეთის საელჩოს მიერ გავრცელებულ განცხადებაში.
