უკვე რამდენიმე დღეა, ისრაელში საპროტესტო აქციები უწყვეტად მიმდინარეობს. პროტესტის ახალი ტალღა თელ-ავივში მას შემდეგ დაიწყო, რაც ისრაელის თავდაცვის ძალებმა რაფაჰში, „ჰამასის“ გვირაბში, ექვსი მძევლის ცხედარი იპოვეს.
მომიტინგეები ითხოვენ, გათავისუფლდნენ 7 ოქტომბერს „ჰამასის“ მიერ აყვანილი მძევლები.
აქციის მონაწილეებმა კოცონიც დაანთეს და სცადეს ერთ-ერთი მთავარი მაგისტრალის გადაკეტვა, რასაც სამართალდამცველებთან შეტაკება მოჰყვა და დააკავეს რამდენიმე მომიტინგეც.
გატაცებული მძევლების ოჯახები, ისრაელის პრემიერ-მინისტრ ბენიამინ ნეთანიაჰუს ადანაშაულებენ „ჰამასთან“ შეთანხმების მიუღწევლობაში და მათთვის ძვირფასი ადამიანების სიკვდილში.
მძევლების ოჯახებისა და უგზო-უკვლოდ დაკარგულთა ფორუმმა გამოაქვეყნა განცხადებაც, სადაც წერია, რომ „ისრაელის მთავრობა პასუხისმგებელია იმ მძევლების ბედზე, რომლებიც 7 ოქტომბერს მიატოვეს და „ჰამასის” ტყვეობაში 334 დღეა იტანჯებიან“.
ქვეყნის შიგნით თუ გარეთ მზარდი ზეწოლის ქვეშ მყოფი პრემიერ-მინისტრი ბენიამინ ნეთანიაჰუ კი თავს არიდებს შეთანხმების გაფორმებას „ჰამასთან”.
Once we got out, once we left the Philadelphi Corridor, Iran could carry out its plan to turn Gaza into a base, a terrorist enclave that would endanger not only the communities around it but would endanger Tel Aviv, Jerusalem, Beer-Sheva, the entire country of Israel. pic.twitter.com/UBTUfczRL5
— Prime Minister of Israel (@IsraeliPM) September 4, 2024
აქციის მონაწილეები დემონსტრაციების შეწყვეტას არ აპირებენ, სანამ გატაცებული მძევლები არ გათავისუფლდებიან და არ გაფორმდება ცეცხლის შეწყვეტის შესახებ შეთანხმება.
