ჯანმოში აცხადებენ, რომ ღაზის მთავარ საავადმყოფოში უმძიმესი ვითარებაა. კვირის შემდეგ ალ-შიფასთან კავშირი გაწყდა
წყლისა და საკვების მარაგი იწურება, მძიმე ბრძოლები კი გრძელდება. ისრაელის მიერ ღაზის დაბომბვის გამო საავადმყოფოს მიმდებარე ტერიტორიაზე თითქმის სრულად შეწყდა ელექტროენერგიის მიწოდება.
.@WHO has managed to get in touch with health professionals at the Al-Shifa hospital in #Gaza.
The situation is dire and perilous.
It's been 3 days without electricity, without water and with very poor internet which has severely impacted our ability to provide essential…
— Tedros Adhanom Ghebreyesus (@DrTedros) November 12, 2023
ისრაელის მოკავშირეები ღრმა შეშფოთებას გამოხატავენ 20 დღენაკლული ჩვილის ფოტოების გავრცელების შემდეგ. ჩვილები სასიცოცხლოდ აუცილებელი ინკუბატორების ნაცვლად ქირურგიულ განყოფილებაში ჰყავთ.
ისრაელი აცხადებს, რომ ისინი ახალშობილებს უფრო უსაფრთხო დაწესებულებაში გადაიყვანენ, თუმცა, ამავდროულად, აღნიშნავენ, რომ ეს არეალი ლეგიტიმური სამხედრო სამიზნეა, რადგან ამ შენობების ქვეშ „ჰამასის“ ბაზაა, რასაც თავად „ჰამასი“ უარყოფს.
ისრაელის არმიაში აცხადებენ, რომ შაბათს ღამით მათ ალ-შიფას საავადმყოფოსთან საწვავი დატოვეს, მათ ამის ამსახველი კადრებიც გამოაქვეყნეს, თუმცა, გავრცელებული ცნობებით, საავადმყოფოს თანამშრომლებს გარეთ გამოსვლის შეეშინდათ და საწვავი ვერ აიღეს.
Our troops risked their lives to hand-deliver 300 liters of fuel to the Shifa hospital for urgent medical purposes.
Hamas forbade the hospital from taking it.
Gaza’s Hamas-run health ministry has been warning for weeks that its hospitals are running out of fuel. If so, why… pic.twitter.com/u6XaLvdr8x
— Israel Defense Forces (@IDF) November 12, 2023
უკვე მეექვსე კვირაა, რაც ომი მიმდინარეობს. ისრაელზე იზრდება საერთაშორისო წნეხი, მისი ყველაზე ახლო მოკავშირის შეერთებული შტატების მხრიდანაც კი.
ბენიამინ ნეთანიაჰუ არ ეთანხმება საერთაშორისო საზოგადოების მოწოდებას ცეცხლის დაუყოვნებლივ შეწყვეტასთან დაკავშირებით, სანამ არ გათავისუფლდება 240 მძევალი, რომლებიც „ჰამასმა“ 7 ოქტომბერს დაატყვევა.
ამასთანავე, „ჰეზბოლამ“, რომელსაც ირანი უჭერს მხარს, ტანკსაწინააღმდეგო რაკეტები გაისროლა სამხრეთ ლიბანიდან, რაც კიდევ ერთხელ ადასტურებს, რომ საზღვრის გასწვრივ ვითარება კვლავ იძაბება.
თავდასხმის დროს დაშავდა 18 ისრაელელი, მათგან ერთი კრიტიკულ მდგომარეობაშია.
