მთავარი სპორტი ლებრონ ჯეიმსის გუნდისა და ანტეტოკუნმპოს ტრიუმფი

ლებრონ ჯეიმსის გუნდისა და ანტეტოკუნმპოს ტრიუმფი

ამერიკის ნაციონალური საკალათბურთო ლიგის “ყველა ვარსკვლავის” მატჩი ტრადიციულად სანახაობრივი გამოდგა.

მონაცემების კონკურსში (Skills Challenge) გამარჯვებული დომანტას საბონისი გახდა. “ინდიანა პეისერსის” ლიეტუველმა ცენტრმა ფინალში “ორლანდო მეჯიქის” მონტენეგროელ მაღალს, ნიკოლა ვუჩევიჩს აჯობა. ევროპული ფინალი დაძაბული გამოდგა, თუმცა დომასმა ტიტული დამსახურებულად მიიღო.

ჩატენვების კონკურის ნაკლებად გამორჩეული, მაგრამ მაინც სანახაობრივი იყო. ობი ტოპინსა და აფერნი სიმონს შორის რამდენიმე საინტერესო დაპირისპირება გაიმართა. საბოლოოდ ტრეისი მაგრეიდის მაისურში გამოწყობილმა აფერნი სიმონსმა მოიგო.

სამქულიანების კონკურსი კი ყველა დროის (ერთ-ერთი) საუკეთესო სნაიპერის, სტეფ კარის გამარჯვებით დასრულდა. სტეფის მთავარი კონკურენტი მაიკ კონლი იყო, თუმცა “ოქროს ბიჭუნამ” მეტოქეს შანსი არ დაუტოვა.

მთავარი სანახაობა, გუნდების დაპირისპირება კი ლებრონ ჯეიმსის გუნდმა მოიგო. “მეფის” ბრწყინვალედ დაკომპლექტებულმა გუნდმა კევინ დურანტის ბიჭებს 170:150 მოუგო. დურანტმა ვერ ითამაშა, მას ვერც ჯოელ ემბიიდი და ბენ საიმონსი დაეხმარნენ.

მატჩის საუკეთესო მოთამაშე იანის ანტეტოკუნმპო გახდა. ბერძენმა 35 ქულა, 7 მოხსნა და 3 შედეგიანი გადაცემა გაიფორმა. სტეფ კარი, ლებრონ ჯეიმსი და იანის ანტეტოკუნმპო ერთ გუნდში იყვნენ…

გიორგი სანაძე

უახლესი

სხვა ამბები