ჟურნალისტ მზია ამაღლობელის საქმეზე განცხადებას ავრცელებს 13 საერთაშორისო უფლებადამცველი ორგანიზაცია.
ისინი „ქართულ ოცნებას“ მოუწოდებენ, გააუქმონ ჟურნალისტის წინააღმდეგ აღძრული სისხლის სამართლის საქმე და ხელი შეუწყონ პატიმრობიდან მის დაუყოვნებლივ გათავისუფლებას. ხელმომწერი ორგანიზაციები მზია ამაღლობელის ჯანმრთელობის მდგომარეობაზეც საუბრობენ. მათი თქმით, საპატიმროში ყოფნისას მისი ჯანმრთელობა და მხედველობა საგანგაშოდ არის გაუარესებული.
#Georgia: Ahead of tomorrow’s expected verdict in the case of IPI member @MziaAmaglobeli, founder and director of @Batumelebi_ge and @netgazeti, IPI joins media freedom groups in calling on the authorities to facilitate her immediate release. #FreeMzia https://t.co/1QhunOZGmS
— IPI – The Global Network for Independent Media (@globalfreemedia) July 31, 2025
ერთობლივ განცხადებაში საუბარია ჟურნალისტის მიერ დაფუძნებული მედიაორგანიზაციების, „ბათუმელებისა“ და „ნეტგაზეთის“, წინააღმდეგ დაწყებულ კამპანიაზე. კერძოდ, ნახსენებია მედიასაშუალებების ანგარიშების დაყადაღება, რასაც განცხადებაზე ხელმომწერნი ზეწოლის კამპანიად აფასებენ.
13 საერთაშორისო უფლებადამცველი ორგანიზაცია ასევე საუბრობს საქართველოში არსებულ მედიაგარემოზე. მათი შეფასებით, „ქართულმა ოცნებამ“ მიიღო რეპრესიული კანონმდებლობა, რითაც შეზღუდა დამოუკიდებელი ჟურნალისტური საქმიანობა.
