ფოტო არქივიდან
ნიკა გვარამიას სასამართლო პროცესზე მხარეებმა დასკვნითი სიტყვები წარმოთქვეს. საქმეზე განაჩენს მოსამართლე ჯვებე ნაჭყებია ხვალ, 1-ელ ივლისს, გამოაცხადებს.
„კოალიცია ცვლილებისთვის” ლიდერს „ქართული ოცნების” ინიციატივით შექმნილ პარლამენტის დროებით საგამოძიებო კომისიაზე გამოუცხადებლობას ედავებიან. მას ბრალი სისხლის სამართლის კოდექსის 349-ე მუხლით აქვს წარდგენილი, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას’” გულისხმობს.
ბრალის წარდგენის შემდეგ სასამართლომ ნიკა გვარამიას აღკვეთის ღონისძიების სახით 30 000-ლარიანი გირაო შეუფარდა. პოლიტიკოსმა გირაოს გადახდაზე უარი განაცხადა, რის შემდეგაც მას გირაო პატიმრობით შეეცვალა.
კომისიაზე გამოუცხადებლობის გამო სასამართლომ პატიმრობა მიუსაჯა ექვს ოპოზიციონერ პოლიტიკოსს: ზურაბ ჯაფარიძეს, მამუკა ხაზარაძეს, გიორგი ვაშაძეს, გივი თარგამაძესა და ბადრი ჯაფარიძეს. აღკვეთის ღონისძიების სახით პატიმრობა აქვთ შეფარდებული ნიკა გვარამიასა და ირაკლი ოქრუაშვილს.
