საგანგებო სიტუაციების მართვის სამსახურის ცნობით, მაშველებმა იპოვეს მტკვარში გადავარდნილი ავტომობილის ორი მგზავრის ცხედარი. მდინარეში გადავარდნილი ერთი პირის ძებნა კი კვლავ გრძელდება.
უწყების ცნობით, სამაშველო ღონისძიებებში ჩართული არიან მეხანძრე-მაშველები, მყვინთავთა ჯგუფები და შინაგან საქმეთა სამინისტროს შესაბამისი დანაყოფები.
ავტოსაგზაო შემთხვევა 14 მაისს, გამთენიისას, მტკვრის მარცხენა სანაპიროზე მოხდა. ავტომობილების შეჯახების შედეგად, ერთ-ერთი მდინარეში გადავარდა. მომხდარზე გამოძიება სისხლის სამართლის კოდექსის 276-ე მუხლით მიმდინარეობს და შსს-ის ცნობით, დაკავებულია 1 პირი.
