აშშ-ის პრეზიდენტმა დონალდ ტრამპმა ბზობის დღესასწაულზე უკრაინის ქალაქ სუმიზე რუსეთის მიერ განხორციელებულ სარაკეტო თავდასხმას „საშინელი ტრაგედია“ უწოდა და განაცხადა, რომ მისი ინფორმაციით, რუსეთმა „შეცდომა დაუშვა“.
შეტევამ, რომელიც კვირას დილით მოხდა სუმიში 34 ადამიანის სიცოცხლე იმსხვერპლა, მათ შორის იყვნენ ორი ბავშვი. უკრაინის საგანგებო სიტუაციების სამსახურის ინფორმაციით, დაშავდა 117 ადამიანი.
უკრაინის პრეზიდენტმა ვოლოდიმირ ზელენსკიმ თავდასხმა დაგმო და საერთაშორისო საზოგადოებას სასწრაფო რეაგირებისკენ მოუწოდა.
