1-ელ მარტს რუსეთის მიერ ოკუპირებულ აფხაზეთში ე.წ. „საპრეზიდენტო არჩევნების“ მეორე ტური გაიმართა. ოკუპირებული რეგიონის ე.წ. „ცესკოს“ წინასწარი შედეგებით, ხმათა 55% პროცენტით გამარჯვებულად გამოცხადდა კრემლის მიმართ ლოიალურად განწყობილი და კრემლის მხარდაჭერილი ბადრა გუნბა.
რა კავშირები აქვს გუნბას რუსეთთან, რა შედეგები შეიძლება მოიტანოს მისმა ე.წ. „გამარჯვებამ“, რა მოხდება იმ შემთხვევაში, თუ აფხაზეთის ე.წ. ოპოზიცია გაყალბების შემთხვევებს დაადასტურებს და მოსალოდნელია თუ არა პოლიტიკური ვითარების გამწვავება – ამ თემებზე ევრონიუს ჯორჯიას ეთერში კონფლიქტოლოგმა ზურაბ ბენდიანიშვილმა ისაუბრა.
