პარიზის პროკურატურა ითხოვს, ულტრამემარჯვენე „ეროვნული გაერთიანების“ ლიდერს, მარინ ლე პენს, ევროკავშირის თანხების არამიზნობრივად ხარჯვის საქმეზე ხუთი წლით თავისუფლების აღკვეთა მიესაჯოს. პროკურორები ითხოვენ იმასაც, რომ ლე პენს ასევე 5 წლის ვადით, პოლიტიკური თანამდებობის, მათ შორის, საფრანგეთის პრეზიდენტის პოსტის დაკავება აეკრძალოს.
მარინ ლე პენსა და მისი პარტიის 20-ზე მეტ მაღალჩინოსანს ბრალად ევროპარლამენტის ფინანსების გაფლანგვა, მისი სახსრების პარტიული საქმიანობისთვის გამოყენება ედება ბრალად.
თავად ლე პენი ამბობს, რომ პროკურორების მოთხოვნა გასაკვირი არ არის. მისი თქმით, მათი ინტერესი ლე პენისთვის 2027 წლის საპრეზიდენტო არჩევნებში მონაწილეობაში ხელის შეშლაა და ამ გზით პროკურატურას საფრანგეთის მოქალაქეებისთვის სასურველი კანდიდატისთვის ხმის მიცემის შესაძლებლობის ჩამორთმევა სურს.
იმ შემთხვევაში, თუ სასამართლო ლე პენს დამნაშავეც ცნობს, იგი საპრეზიდენტო არჩევნებში მონაწილეობას ვერ შეძლებს.
