უკრაინის ოფიციალური პირები აცხადებენ, რომ ქვეყნის ჩრდილო-აღმოსავლეთ ქალაქ სუმიზე რუსების მიერ დრონებით მიტანილი იერიშის შედეგად სამი ადამიანი, მათ შორის ერთი ბავშვი დაიღუპა.
სუმი ერთ-ერთია იმ ქალაქებს შორის, რომლებსაც რუსეთი ესხმის თავს. რეგიონული გუბერნატორის ინფორმაციით, დარტყმების სამიზნე საცხოვრებელი რაიონი და კრიტიკულად მნიშვნელოვანი ინფრასტრუქტურა იყო.
All night and into the morning, Sumy and the region have been under Russian attack, with dozens of ‘Shahed’ drones targeting the area. Ordinary residential buildings were damaged. Our warriors have already destroyed more than 20 ‘Shaheds’ in the Sumy region alone, with over 40… pic.twitter.com/r0XECehdMt
— Volodymyr Zelenskyy / Володимир Зеленський (@ZelenskyyUa) October 22, 2024
სუმის რეგიონში 45 აფეთქება იყო. უკრაინელი სამხედროები აცხადებენ, რომ საჰაერო თავდაცვის სისტემებმა უკრაინის საჰაერო სივრცეში რუსების მიერ გაშვებული 60 დრონიდან 42 გაანეიტრალეს.
რუსეთის თავდაცვის სამინისტრო კი დონეცკის რეგიონში საბრძოლო მოქმედებების ამსახველ კადრებს ავრცელებს. თავის მხრივ, უკრაინამაც მიიტანა დრონებით იერიში რუსეთის წინააღმდეგ. მისი სამიზნე ამჯერად ბიოქიმიური ქარხანა და ორი საწარმო იყო.
რუსეთის თავდაცვის სამინისტრომ 22 ოქტომბერს განაცხადა, რომ ბრიანსკის, ბელგოროდისა და კურსკის რეგიონებში მათ რამდენიმე უკრაინული დრონი ჩამოაგდეს.
