NATO-ს გენერალურმა მდივანმა იენს სტოლტენბერგმა BBC-სთან მიცემულ ინტერვიუში განაცხადა, რომ ევროპა მზად უნდა იყოს უკრაინაში ათწლიანი ომისთვის. მას ჰკითხეს, უნდა მოემზადონ თუ არა NATO-ს მოკავშირეები უკრაინაში ათწლიანი ომისთვის.
პასუხად იენს სტოლტენბერგმა თქვა, რომ დიახ, თუმცა რაც უფრო ხანგრძლივი ბრძოლისთვის მოემზადება სამხედრო ალიანსი, მით უფრო მალე დასრულდება ომი.
NATO-ს გენერალური მდივნის თანახმად, როდესაც ვლადიმერ პუტინი მიხვდება, რომ უკრაინის მიმართ დასავლეთის მხარდაჭერა მტკიცეა, შეიქმნება კონფლიქტის მოგვარების ისეთი პირობები, რომლის ფარგლებშიც უკრაინა გაიმარჯვებს, როგორც სუვერენული სახელმწიფო.
სტოლტენბერგმა აღნიშნა, ისიც რომ აშშ-ის ყოფილი პრეზიდენტი დონალდ ტრამპი სწორად აკრიტიკებს ნატოს ევროპელ მოკავშირეებს იმის გამო, რომ არ ხარჯავენ საკმარის თანხას თავდაცვაზე და ზედმეტად ეყრდნობიან აშშ-ს. მისი თქმით, ეს ვითარება ახლა შეიცვალა და ალიანსის წევრები პირობას დებდნენ, რომ 2024 წლისთვის თავდაცვისთვის ყოველწლიურად თავიანთი ეკონომიკის ღირებულების მინიმუმ 2%-ს დახარჯავდნენ.
NATO Allies have implemented the largest reinforcement of our collective defence in a generation, with 500,000 troops at high readiness working across land, sea, cyber and space to keep us safe#NATOSummit pic.twitter.com/kA8mOwGD4y
— NATO (@NATO) July 19, 2024
იენს სტოლტენბერგს NATO-ს გენერალურ მდივნის პოზიციაზე ოქტომბერში ნიდერლანდების ყოფილი პრემიერ-მინისტრი მარკ რუტე ჩაანაცვლებს.
