ბულგარეთის ახალ პატრიარქად აირჩიეს 52 წლის დანიილი. მისი პატრიარქად დანიშვნა ბულგარეთის მართლმადიდებლურ ეკლესიაში უკრაინაში რუსეთის შეჭრის შემდეგ არსებულ განხეთქილებას ასახავს.
ბულგარეთის უმაღლესი სასულიერო პირებს შორის დაპირისპირება პრორუსულ და ანტირუსულ ფრაქციებს შორის 2019 წლიდან მიმდინარეობს, მას შემდეგ, რაც უკრაინის მართლმადიდებლური ეკლესია კონსტანტინოპოლში მსოფლიო პატრიარქმა აღიარა.
დანიილმა ჩაანაცვლა პატრიარქი ნეოფიტე, რომელიც მარტში 78 წლის ასაკში გარდაიცვალა.
მისი წინამორბედისგან განსხვავებით, დანიილმა მსოფლიო პატრიარქთან უკრაინის მართლმადიდებლური ეკლესიის დამოუკიდებლობის საკითხზე მოსკოვის საპატრიარქოს მხარე დაიკავა.
„ის ეცდება აღადგინოს ბულგარეთის მართლმადიდებლური ეკლესიის ადგილი და ღირსება და იყოს ხიდი მსოფლიო პატრიარქსა და რუსეთის საპატრიარქოს შორის“, – ამბობს კონსტანტინ ნუშევი.
მსოფლიო პატრიარქი განიხილება, როგორც აღმოსავლეთის მართლმადიდებელი ქრისტიანების წარმომადგენელი და სულიერი ლიდერი მთელ მსოფლიოში.
მისმა გადაწყვეტილებამ უკრაინის მართლმადიდებლური ეკლესიის რუსული ეკლესიისგან გამოყოფა ოფიციალურად აღიარა. თუმცა რუსეთისა და სხვა მართლმადიდებელი პატრიარქების უმეტესობამ არ აღიარა მისი გადაწყვეტილება.
დანიილი ასევე აკრიტიკებდა ბულგარეთის ეკლესიიდან მოსკოვის სასარგებლოდ ჯაშუშობაში ბრალდებული რუსი და ორი ბელორუსი სასულიერო პირის გაძევებას.
