ევროკომისიამ მხარი დაუჭირა ევროკავშირის გაყინული ფონდიდან უნგრეთისთვის 10 მილიარდი ევროს გამოყოფას.
უნგრეთისთვის განკუთვნილი 22 მილიარდი ევროს ოდენობის თანხა ევროკავშირს გაყინული აქვს კორუფციასა და კანონის უზენაესობასთან დაკავშირებული პრობლემების გამო.
ევროკომისიამ გადაწყვეტილება იმ სამიტამდე ერთი დღით ადრე მიიღო, რომელზეც ევროკავშირის გაფართოების საკითხი განიხილება. ევროკომისიაში უარყოფენ, რომ უნგრეთისთვის გაყინულ თანხებს ბლოკი უნგრეთის პრემიერ-მინისტრის ვიქტორ ორბანის პოზიციის შეცვლის მიზნით მოხსნეს.
#Ukraine’s swift accession to the European Union would have devastating consequences for European #farmers, the EU’s budget and European security. It serves the best interests of neither Hungary, nor the European Union, therefore we cannot support it! #EUCO pic.twitter.com/ddgKSPEqsX
— Orbán Viktor (@PM_ViktorOrban) December 13, 2023
ვიქტორ ორბანი აცხადებს, რომ ევროკავშირის წევრობის შესახებ უკრაინასთან მოლაპარაკებების დაწყებას და უკრაინისთვის 50 მილიარდი ევროს ოდენობის დახმარების გაცემას დაბლოკავს.
