ბუდაპეშტში არქეოლოგები რომაული პერიოდის მასშტაბურ ნაგებობას იკვლევენ, რომელიც ახალი საცხოვრებელი კომპლექსის მშენებლობისთვის დაწყებული გათხრების დროს აღმოაჩინეს. სპეციალისტების ვარაუდით, შენობა ახ. წ. III საუკუნის მიწურულს ან IV საუკუნეშია აგებული. ეს გრძელი და ვიწრო ნაგებობა რამდენიმე ასეულ მეტრზეა გადაჭიმული და მრავალკუთხა ფორმის, კოშკისებრი იდუმალი ნაგებობით სრულდება. მისი მასშტაბი და კონსტრუქცია იმაზე მიუთითებს, რომ ის იყო საზოგადოებრივი დანიშნულების შენობა, რომელიც რომაული სამხედრო უწყების დაკვეთით აშენდა. თუმცა ექსპერტები ფიქრობენ, რომ ის ციხესიმაგრე არ უნდა ყოფილიყო, რადგან მისი კედლები თავდაცვითი ნაგებობისთვის ზედმეტად თხელია. შენობის ზუსტი დანიშნულება ჯერჯერობით უცნობია და ის არცერთ შემორჩენილ რომაულ რუკასა თუ ნახაზზე არ არის დატანილი.
Search