ისრაელის მიერ ჯაბალიას ლტოლვილთა ბანაკზე თავდასხმა შესაძლოა, ომის დანაშაულად შეფასდეს
გაეროს ადამიანის უფლებათა უმაღლესი კომისარი ამბობს, რომ ლტოლვილთა ბანაკზე იერიში „არაპროპორციულია”.
,,ჰამასი“ აცხადებს, რომ ჯაბალიაზე ისრაელის თავდასხმების შედეგად 195 ადამიანი დაიღუპა.
ისრაელის თავდაცვის ძალები ამბობენ, რომ მათ ,,ჰამასის“ მეორე მეთაური გაანადგურეს.
იმედის ნაპერწკალი რაფაჰის სასაზღვრო გასასვლელის გახსნაა
სასწრაფო დახმარების მანქანებს დაჭრილები ეგვიპტის საველე საავადმყოფოებში გადაჰყავთ, სადაც ამ დროისთვის 76 დაჭრილი პალესტინელი მკურნალობს.
ამასთან, უცხოური პასპორტის მქონე 363 მოქალაქეს უფლება მიეცა, დაეტოვებინათ ღაზის ტერიტორია და ეგვიპტეში გადასულიყვნენ.
Injured people & a number of foreign nationals, incl EU citizens are being evacuated via the Rafah crossing. Thanks to Egypt for enabling them to leave & to US+Qatar for brokering the agreement
The EU is fully mobilised to alleviate the suffering in Gazahttps://t.co/BddQLjVbYI
— Josep Borrell Fontelles (@JosepBorrellF) November 1, 2023
მაგრამ ის, ვისაც არ აქვს შესაძლებლობა, დატოვოს ქვეყანა სასოწარკვეთილ მდგომარეობაშია. გაეროს დახმარებისა და სამუშაოების სააგენტოს ხელმძღვანელი შეშფოთებულია ღაზაში არსებული მძიმე სიტუაციით.
ისრაელის ჯარები ღაზისკენ მიიწევენ, მათ დაუნდობლად მიაქვთ იერიში „ჰამასის“ სასტიკი თავდასხმის საპასუხოდ
„ჰამასის“ შეიარაღებული პირები ისრაელში 7 ოქტომბერს შეიჭრნენ, 1400 ადამიანი დახოცეს, 200-ზე მეტი კი მძევლად აიყვანეს.
პრემიერ-მინისტრი ბენიამინ ნეთანიაჰუ აფრთხილებს ყველას, რომ შესაძლოა ეს ომი დიდხანს გაგრძელდეს.
