სამი საათის განმავლობაში 50-მდე პირმა ფეხით იარა თბილისში, ვერიდან კუს ტბის მიმართულებით. ამ პერფორმანსს ერქვა “მეხსიერების ბილიკი” და მისი მიზანი იყო კიდევ ერთხელ გააზრება იმისა, თუ რა გზის გავლა მოუწიათ აფხაზეთიდან იძულებით გადაადგილებულ პირებს საკენი-ჭუბერის გზაზე.
ამ აქციის მონაწილეებს შორის იყვნენ დევნილები, ისინი ვინც 30 წლის წინ გამოიარა სიცივე, შიმშილი… იარა ცხედრებს შორის ქარსა თუ თოვლში…
ასევე იქ იყვნენ აფხაზეთის ომს შემდეგ დაბადებულები, ახალგაზრდები, რომლებიც ამბობენ, რომ მათთვის კიდევ უფრო მნიშვნელოვანია, არ დაივიწყონ მშობლიური კუთხე, აფხაზეთი, რომელიც მათ თავად არასდროს უნახავთ.
