დღეს, 9 აპრილს კათოლიკური სამყარო უდიდეს ქრისტიანულ დღესასწაულს, იესო ქრისტეს აღდგომას ზეიმობს.
თბილისში, სააღდგომო ლიტურგია მარიამ ღვთისმშობლის ზეცად აღყვანების კათოლიკურ კათედრალურ ტაძარში შედგა.
სადღესასწაულო წირვას ეპისკოპოსი ჯუზეპე პაზოტო უძღვებოდა. საზეიმო მსახურებას მრევლთან ერთად, სხვადასხვა ოფიციალური პირები და რელიგიის საკითხთა სახელმწიფო სააგენტოს ხელმძღვანელობაც დაესწრო.
კათოლიკურ სამყაროსთან ერთად იესო ქრისტეს აღდგომას ევანგელურ-ლუთერული ეკლესია და სომეხთა სამოციქულო მართლმადიდებელი ეკლესია აღნიშნავენ.
