რუსთაველის გამზირზე აქციისათვის – „შინ ევროპისკენ“ მოსამზადებელი სამუშაოები მიმდინარეობს. ადგილზე სცენა მონტაჟდება, საიდანაც აქციის მონაწილეებს სიტყვით მიმართავენ.
ორგანიზატორების ინფორმაციით, აქციაზე შეკრებილ მოქალაქეებს სიტყვით მიმართავენ სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები.
თბილისის გარდა, დღეს 20 ივნისს მოქალაქეთა შეკრებები საქართველოს სხვა ქალაქებშიც – ზუგდიდში, ბათუმსა და ქუთაისში გაიმართება.
შეკრებები ჩატარდება ევროპის ქალაქებშიც – ლონდონში, პრაღაში, ჰანოვერში, პარიზში, ბუდაპეშტში, ბერლინში, ჰამბურგში, შტუტგარტში, რეიკიავიკში, ათენსა და ბრიუსელში.
