დანიილ მედვედევი ამერიკის შეერთებული შტატების ღია პირველობის გამარჯვებულია. რუსმა ჩოგბურთელმა ფინალში მსოფლიოს ნომერ პირველი ჩოგანი, ნოვაკ ჯოკოვიჩი 3:0 დაამარცხა და კარიერაში პირველად მოიგო დიდი სლემის ტურნირი.
ჯოკოვიჩი გამარჯვების შემთხვევაში 21-ედ მოიგებდა დიდი სლემის ტიტულს და გადაასწრებდა რაფაელ ნადალსა და როჯერ ფედერერს.
ქალთა თანრიგის ფინალში 18 წლის ემა რადუკანუმ 19 წლის ლეილა ფერნანდესი დაამარცხა და გახდა პირველი ჩოგბურთელი, რომელმაც დიდი სლემის ტურნირი საკვალიფიკაციო ეტაპიდან მოიგო.
