ფრანგი სამართალდამცველები ისევ ეძებენ 4 მძარცველს, რომლებმაც ლუვრის მუზეუმის გალერეა Apollo გაქურდეს. ოფიციალური ცნობით, მოპარულია 9 ექსპონატი – საფრანგეთის სამეფო ოჯახის უნიკალური სამკაულები.
ქვეყნის კულტურის მინისტრის ინფორმაციით, მე-19 საუკუნის სადედოფლო გვირგვინი, ლუვრის მახლობლად, დაზიანებული იპოვეს. კვლავ დაკარგულად ითვლება დედოფალ მარია-ლუიზას ყელსაბამი და საყურე, მეფე ლუი-ფილიპ პირველის მეუღლის, დედოფალ მარია-ამელის ყელსაბამი, საყურეები და დიადემა, ასევე დედოფალ ევგენიას სამკაულები.
გამოძიების ცნობით, მძარცველები შენობაში სამშენებლო არეალიდან შევიდნენ. მათ სატვირთო ლიფტით ისარგებლეს და მუზეუმის ფანჯრები ჩაამსხვრიეს. ლუვრი ამ დრომდე დახურულია.
Le vol commis au Louvre est une atteinte à un patrimoine que nous chérissons car il est notre Histoire.
Nous retrouverons les œuvres et les auteurs seront traduits en justice. Tout est mis en œuvre, partout, pour y arriver, sous la conduite du parquet de Paris.…
— Emmanuel Macron (@EmmanuelMacron) October 19, 2025
პრეზიდენტმა ემანუელ მაკრონმა მუზეუმის გაძარცვას საფრანგეთის მემკვიდრეობაზე თავდასხმა უწოდა და პირობა დადო, რომ შესაბამისი ორგანოები ექსპონატებს დააბრუნებენ.
