საპროკურორო საბჭომ გენერალური პროკურორის თანამდებობაზე კანდიდატად გენერალური პროკურორის მოქმედი მოადგილე გიორგი გაბიტაშვილი შეარჩია. პარლამენტს სწორედ მისი კანდიდატურა წარედგინება.
საპროკურორო საბჭომ პროკურატურის შესახებ ორგანული კანონის მე-16 მუხლის შესაბამისად, გენერალური პროკურორობის სამი კანდიდატი ვიქტორ ახალბედაშვილი, დარეჯან ბუცხრიკიძე და გიორგი გაბიტაშვილი შეარჩია.
გაბიტაშვილს საპროკურორო საბჭოს 11-მა წევრმა დაუჭირა მხარი, ახალბედაშვილმა და ბუცხრიკიძემ კი ვერც ერთი ხმა ვერ მოიპოვეს.
