ავღანეთში მომხდარი მიწისძვრის მსხვერპლთა რაოდენობამ 1 400-ს გადააჭარბა. დაშავებულია 3 000-ზე მეტი ადამიანი. ამის შესახებ „თალიბანის” სპიკერმა ზაბიჰულა მუჯაჰიდმა განცხადება დღეს, 2 სექტემბერს, პლატფორმა X-ზე გამოაქვეყნა.
Latest Figures on Earthquake Casualties and Relief Efforts in Kunar
September 02, 2025
So far, in the districts of Nurgal, Chawkay, Chapa Dara, Pech Dara, Watapur, and Asadabad in Kunar Province, the death toll has risen to 1,411, the number of injured stands at 3,124, and…
— Hamdullah Fitratحمدالله فطرت (@FitratHamd) September 2, 2025
სამაშველო სამუშაოები ამ დრომდე გრძელდება და სავარაუდოა, რომ გაიზრდება მსხვერპლიც. განადგურებულია არაერთი სოფელი. რთული რელიეფის გამო სამაშველო ჯგუფების მუშაობა და მთიან ტერიტორიებამდე მისვლა რთულდება.
6 მაგნიტუდის სიმძლავრის მიწისძვრა ავღანეთში კვირას, 31 აგვისტოს, გვიან ღამით, ადგილობრივი დროით დაახლოებით 12 საათისთვის მოხდა. ეპიცენტრი ავღანეთის სიდიდით მეხუთე ქალაქიდან, ჯალალაბადიდან, 27 კილომეტრით იყო დაშორებული.
