„საქართველო ძალიან მაღალი ადამიანური განვითარების ქვეყნების ჯგუფშია, თუმცა უთანასწორობის გამოწვევები გავლენას ახდენს ქვეყნის მაჩვენებლებზე” – წერია გაეროს განვითარების პროგრამის მიერ გამოქვეყნებულ ადამიანის განვითარების უახლეს ინდექსში.
მიღებული შედეგები 2023 წლის სტატისტიკურ მონაცემებს ეყრდნობა.
0.844 მაჩვენებლით, საქართველო ძალიან მაღალი ადამიანური განვითარების ქვეყნების ჯგუფს მიეკუთვნება და 193 ქვეყანასა და გაეროს მიერ აღიარებულ ტერიტორიას შორის 57-ე ადგილზეა. ამ თემაზე ევრონიუს ჯორჯიას ეთერში გაეროს განვითარების პროგრამის მუდმივმა წარმომადგენელმა საქართველოში დაგლას უებმა ისაუბრა.
