„ძალა სტუდენტების ერთობაშია“, – ამ ლოზუნგით საქართველოს სხვადასხვა უნივერსიტეტის სტუდენტები ამჯერად თბილისის სახელმწიფო უნივერსიტეტის პირველ კორპუსთან შეიკრიბნენ.
ადგილზე შეკრებილებმა მიმდინარე პოლიტიკურ პროცესებზე ისაუბრეს, მოგვიანებით კი, საქართველოს პარლამენტთან გადაინაცვლეს.
ეს სტუდენტების ახალი ინიციატივის – ახალი საპროტესტო კერის შექმნის ფარგლებში მეორე შეკრებაა.
19 მარტს განათლების სამინისტროსთან შეკრებილმა სტუდენტებმა განაცხადეს, რომ პროტესტის ახალ ფაზაში გადადიან და სხვადასხვა სივრცეში მუდმივად შეიკრიბებიან, რათა ისაუბრონ განათლების სისტემაში არსებულ სიღრმისეულ პრობლემებსა და იმ გამოწვევებზე, რომლებიც მათი თქმით, „არალეგიტიმური ხელისუფლების ქმედებებისა თუ უმოქმედობის შედეგია”.
