პროტესტის 56-ე დღეს დემონსტრანტებმა რუსთაველის გამზირი კვლავ გადაკეტეს. მოქალაქეების მოთხოვნები უცვლელია – გათავისუფლდნენ აქციების დროს დაკავებულები და დაინიშნოს ხელახალი საპარლამენტო არჩევნები.
დემონსტრანტები მიიჩნევენ, რომ 2024 წლის 28 ნოემბერს, ირაკლი კობახიძის მიერ გაკეთებული განცხადების შემდეგ, საქართველომ ევროინტეგრაციის გზიდან გადაუხვია და რომ ევროკავშირთან მოლაპარაკებების შეჩერება ქვეყნის წინააღმდეგ გადადგმული ნაბიჯია.
