უკრაინის სამხედრო სადაზვერვო სააგენტომ ზაპოროჟიეს ატომური ელექტროსადგურის უსაფრთხოების ხელმძღვანელის, ანდრეი კოროტკის მკვლელობაზე პასუხისმგებლობა აიღო.
ფაქტის დასადასტურებლად, სააგენტომ ტელეგრამზე კოროტკის მანქანის აფეთქების ვიდეო განათავსა. განცხადებიდან რამდენიმე საათში რუსეთის საგამოძიებო სამსახურმა დაადასტურა, რომ ანდრეი კოროტკი მოკლეს.
უკრაინის სამხედრო სადაზვერვო სააგენტოს თქმით, კოროტკი კრიმინალი იყო და ატომურ ელექტროსადგურზე რუსეთის კონტროლის დამყარების შემდეგ მოსკოვთან ნებაყოფლობით თანამშრომლობდა.
💀 В Енергодарі вибухнув воєнний злочинець ― «начальник фізичної охорони» окупованої ЗАЕС
🔗 https://t.co/hXmU9I71sv pic.twitter.com/5PnH5eZjtV— Defence intelligence of Ukraine (@DI_Ukraine) October 4, 2024
პარალელურად, სოფელ ჰირსკში სამი ადამიანი – მათ შორის 6 წლის გოგონა – ემსხვერპლა რუსი სამხედროების მიერ მანქანაზე მიტანილ იერიშს, რომლითაც დაღუპულებს ბუნებრივი აირი გადაჰქონდათ.
აფეთქების შედეგად გაჩენილი ცეცხლი მახლობლად არსებულ სახლებზეც გავრცელდა.
აღმოსავლეთ უკრაინაში კი, პოკროვსკის მაცხოვრებლებმა რუსეთის საჰაერო თავდასხმების შედეგად დანგრეული სახლების შეკეთება დაიწყეს.
თავდასხმის შედეგად ოთხი ადამიანი დაშავდა. რეგიონული პოლიციის განცხადებით, რუსეთის საჰაერო ძალებმა ექვსი ბომბი ჩამოაგდო, რითაც სამი სახლი, მაღაზია და მრავალსართულიანი შენობა დააზიანა.
