„პოტენციური საფრთხის“ გამო დასავლეთ გერმანიაში ნატოს ავიაბაზაზე განგაში გამოცხადდა. უსაფრთხოების ზომების გამო, ბაზაზე მომუშავე თანამშრომელთა უმრავლესობა, ვისი ადგილზე ყოფნა მისიისთვის მნიშვნელოვანი არაა, დროებით დაითხოვეს.
გეილენკირხენის ავიაბაზა ნიდერლანდების საზღვართან მდებარეობს, სადაც ჩრდილოატლანტიკური ალიანსის საჰაერო გაფრთხილებისა და მართვის სისტემების თვითმფრინავებია განლაგებული.
🚨We raised the security level at NATO Airbase Geilenkirchen based on intelligence information indicating potential threat. All non-mission essential staff have been sent home as a precautionary measure. The safety of our staff is our top priority. Operations continue as planned.
— NATO AWACS (@NATOAWACS) August 22, 2024
გერმანული მედიის ცნობით, ავიაბაზის მიმდებარედ საპოლიციო ძალები შენიშნეს, მათ უსაფრთხოების ზომების მიღება დაადასტურეს, თუმცა დეტალებზე არ უსაუბრიათ.
გასულ კვირას, განგაში გამოცხადდა კიოლნთან ახლოს მდებარე გერმანიის საჰაერო და სამხედრო ძალების ბაზაზე, სადაც უცნობი პირი შენიშნეს. მოგვიანებით, გამოძიებამ დაადასტურა, რომ დივერსიასთან საქმე არ ჰქონიათ.
