ბრიტანეთი კი არჩევნებისთვის ემზადება. 4 დღეში ქვეყნის მოსახლეობა გადაწყვეტს, ვინ აიღებს საპარლამენტო უმრავლესობას. კანდიდატების წინასაარჩევნო კამპანია სხვადასხვაგვარია. კონსერვატიული პარტიის ლიდერი რიში სუნაკი და ლეიბორისტული პარტიის ლიდერი კირ სტრარმერი ცდილობენ, ტრადიციული საარჩევნო კამპანიით მოიგონ ამომრჩევლების გული.
აი, სრულიად განსხვავებული ტაქტიკა აირჩია ლიბერალ-დემოკრატიული პარტიის ლიდერმა ედ დეივიმ, რომელიც დღეს სიმაღლიდან დრეკად თოკზე გამობმული გადმოხტა ხალხში და ამომრჩევლებსაც გაბედული ქმედებებისკენ მოუწოდა.
A lot of people are on the cusp of doing something they’ve never done before – taking a leap of faith and voting Liberal Democrat… so I decided to do something I’ve never done before too. pic.twitter.com/qW8Q8k1dCg
— Ed Davey (@EdwardJDavey) July 1, 2024
წინასაარჩევნო მონაცემებით, მემარცხენე-ცენტრისტული ლეიბორისტული პარტია 4 ივლისის არჩევნებზე 650 მანდატიდან დაახლოებით 406 მანდატს მოიპოვებს, რაც ლეიბორისტებს სრულ უმრავლესობას ანიჭებს. ლეიბორისტული პარტიის ლიდერი კირ სტრარმერია, რომელიც სავარაუდოდ ბრიტანეთის მომავალი პრემიერ-მინისტრი გახდება. ხოლო, რაც შეეხება კონსერვატორებს – ისინი 1906 წლის არჩევნების შემდეგ ყველაზე დიდ მარცხს უახლოვდებიან.
