ყოველდღიური მოხმარების საგნების სექტორის შემოსავლებმა საქართველოში 2023 წელს 21 მლრდ ლარს მიაღწია.
ამ სფეროში 39% ბრენდულ ქსელებს უკავია, არაბრენდული მაღაზიების წილი 26%-ია, 4% აფთიაქებზე მოდის, ხოლო 31% არაფორმალური ვაჭრობის წილია – ყოველდღიური მოხმარების საგნების სექტორის კვლევა საინვესტიციო ბანკმა GALT&TAGGART ჩაატარა.
რა ძირითადი მიგნებები გამოვლინდა კვლევის შედეგად – ამ თემაზე ევრონიუს ჯორჯიას ეთერში GALT&TAGGART-ის კვლევების დეპარტამენტის უფროსმა ანალიტიკოსმა, კახა სამყურაშვილმა ისაუბრა.
