პალესტინის „წითელი ჯვრის“ წარმომადგენელთა განცხადებით, ხან იუნისში საავადმყოფოს წინამდებარე ტერიტორიის დაბომბვის დროს დაიღუპა და დაშავდა ათობით ადამიანი.
ღაზის ჯანდაცვის სამინისტრო აცხადებს, რომ თავდასხმას სულ მცირე 20 პალესტინელი ემსხვერპლა. დაშავებულია უამრავი ადამიანი. დევნილებსა და უსახლკაროდ დარჩენილებს მოუწოდებენ, დარჩნენ საავადმყოფოში, რომელიც ამ წუთისთვის ერთადერთი თავშესაფარია.
ღაზის ჯანდაცვის სამინისტროს მონაცემებით, დაღუპულთა რიცხვი ამ წუთისთვის 21000-ს აღემატება – მათგან სამი მეოთხედი ბავშვი, ქალი და მოხუცია.
ვარაუდობენ, რომ კიდევ ათასობით ადამიანია ნანგრევების ქვეშ მოყოლილი, 55000-ამდე კი დაშავებულია.
ჯანმოს წარმომადგენლები ჩრდილოეთ ღაზის საავადმყოფოებსა და სამხრეთ ღაზას აწვდიან მარაგებს. მათი თქმით, საავადმყოფოები სავსეა გაქცეული და შეშინებული ხალხით. ჯანმოს გუნდის წევრები ძალ-ღონეს არ იშურებენ მათ დასახმარებლად.
WHO teams deliver supplies to hospitals in Northern and Southern Gaza – New mass displacement of Palestinians fleeing fighting, health facilities crammed with people seeking refuge, food
WHO teams have undertaken high-risk missions to deliver supplies, with partners, to… pic.twitter.com/aHwZMpFu5D
— World Health Organization (WHO) (@WHO) December 27, 2023
მას შემდეგ, რაც ისრაელ-ჰამასის ომი დაიწყო, ლიბანელ მებრძოლთა დაჯგუფება „ჰეზბოლაც“ გააქტიურდა და ყოველდღიურ ბრძოლაშია ჩართული. მათ გუშინ შეტაკებების დროს დაღუპული მებრძოლები დაკრძალეს. ბეირუთში დასაფლავებას „ჰეზბოლას“ ასობით მხარდამჭერი დაესწრო.
