ნიკარაგუელი შეინის პალასიოსი 2023 წლის ,,მის სამყაროს” გამარჯვებული გახდა.
სილამაზის კონკურსი ,,მის სამყარო” 72-ედ ჩატარდა და მასში 84 ქვეყნის ეროვნული კონკურსის გამარჯვებულმა მიიღო მონაწილეობა. კონკურსი ელ სალვადორში გაიმართა.
23 წლის გამარჯვებული ამბობს, რომ მას სურს იმუშაოს ფსიქიკური ჯანმრთელობის გასაუმჯობესებლად. კითხვაზე, თუ რომელი ქალის ადგილზე ისურვებდა ერთი წლის განმავლობაში ყოფნას, ,,მისს ნიკარაგუამ” უპასუხა, რომ ის იქნებოდა მე-18 საუკუნის ინგლისელი მწერალი და ფილოსოფოსი მერი უოლსტონკრაფტი, რომელიც ქალთა უფლებების დამცველად და ფემინისტური იდეების მატარებელ ერთ-ერთ პირველ წინამორბედად ითვლება. კონკურსზე მეორე ადგილი ტაილანდის წარმომადგენელმა ანტონია პორსილდიმ დაიკავა.
