იაპონიაში დიდი შვიდეულის სამიტი ახალი გადაწყვეტილებებით დასრულდა. აშშ მზადაა, უკრაინას გადასცეს 375 მილიონი დოლარის სამხედრო დახმარების ახალი პაკეტი, რომელიც მოიცავს დამატებით საბრძოლო მასალებს, არტილერიასა და სატრანსპორტო საშუალებებს.
გარდა ამისა, სამიტის მონაწილეები შეთანხმდენ, რომ უკრაინა დასავლეთისგან მიიღებს F-16 ტიპის ავიაგამანადგურებლებს, რომლებსაც მხოლოდ უკრაინის ტერიტორიაზე გამოიყენებს. ამასთან, დიდი შვიდეულის სამიტის ლიდერებმა კიდევ ერთხელ მოუწოდეს ჩინეთს ზეწოლა მოხდინოს რუსეთზე უკრაინაში ომის დასასრულებლად.
