“ტყე ჩვენი მეგობარია. მას უნდა გავუფრთხილდეთ და დავიცვათ. ადამიანსა და ბუნებას შორის ჰარმონია და მშვიდობა უნდა დამყარდეს.” – ამ მოწოდების ირგვლივ აგებულია ახალი ანიმაციური ფილმის სიუჟეტი, რომელიც გაეროს განვითარების პროგრამის (UNDP), იაპონიის საელჩოსა და ეროვნული სატყეო სააგენტოს ხელშეწყობით შეიქმნა. ანიმაციის პირველი ჩვენება დღეს, 25 ნოემბერს გაიმართა.
ტყის მდგრადი მართვის მნიშვნელობასა და ახალ საინფორმაციო კამპანიაზე, “ევრონიუს ჯორჯიას” ეთერში საუბრობენ: ლალი თევზაძე, გაეროს განვითარების პროგრამის ტყის დაცვის პროგრამის მენეჯერი და სოფო ჭიჭინაძე, გაეროს განვითარების პროგრამის კომუნიკაციების მენეჯერი
