დღეს, 14 ნოემბერს კუნძულ ბალიზე მსოფლიო ლიდერები იკრიბებიან.
სამიტში მონაწილეობას არ მიიღებს ვლადიმერ პუტინი- ის შეხვედრას ონლაინფორმატითაც არ დაესწრება.
კუნძულზე უკვე ჩავიდნენ ამერიკის პრეზიდენტი ჯო ბაიდენი და მისი ჩინელი კოლეგა სი ძინპინი, რომლებმაც შეხვედრა გამართეს.
შეხვედრის დაწყებამდე სი ძინპინმა თქვა, რომ მათ უნდა იმუშაონ ყველა ქვეყანასთან, რათა დამყარდეს მშვიდობა მსოფლიოში.
ჯო ბაიდენი და სი ძინპინი პრეზიდენტების რანგში ერთმანეთს პირველად ხვდებიან. გავრცელებული ცნობებით, საუბრის მთავარი თემა უკრაინაში მიმდინარე მოვლენები და ტაივანთან ჩინეთის პოლიტიკა იქნება.
სწორედ ტაივანის საკითხია ერთ-ერთი ყველაზე მნიშვნელოვანი თემა, რაზეც პეკინი და ვაშინგტონი ვერ თანხმდებიან.
