თავისუფლების მოედანზე დღეს გამართულ აქციაზე ე.წ. „კომენდანტის საათის“ გაუქმებას მოითხოვდნენ. აქცია მოქალაქეებმა სოციალური ქსელით დაგეგმეს. ორგანიზატორები ამბობენ, რომ საქართველოს ყოველ მოქალაქეს თავისუფლად გადაადგილების უფლება კონსტიტუციით აქვს მინიჭებული, რასაც სახელმწიფო უკვე მეოთხე თვეა არ ითვალისწინებს.
ამ დროისთვის აქციის მონაწილეები მთავრობის პასუხს ელოდებიან, რის შემდეგაც სამომავლო გეგმებს გამოაქვეყნებენ.
