ჰუსიტების თქმით, შეერთებულმა შტატებმა ღამით იემენზე მიიტანა იერიში, რის შედეგადაც ექვსი ადამიანი დაიღუპა.
მისი სამიზნე იყო ალ-ჰავაკის რაიონის ქალაქი ჰოდეიდა, სადაც ქალაქის აეროპორტია. მას ადრე ირანის მიერ მხარდაჭერილი დაჯგუფება წითელ ზღვაში გემებზე თავდასხმისთვის იყენებდა.
აშშ-მა იერიში მიიტანა იემენის მთიანი ამრანის პროვინციაზეც, რომელიც დედაქალაქ სანიდან ჩრდილოეთით მდებარეობს. როგორც ჰუსიტები ამბობენ, ამერიკელები თავს დაესხნენ იმ ობიექტს, სადაც სატელეკომუნიკაციო აღჭურვილობა იყო.
შეერთებული შტატების არმიის ცენტრალურ სარდლობას, რომელიც საზღვარგარეთ აშშ-ის სამხედრო ოპერაციებს ზედამხედველობს, ჯერჯერობით არ აუღია პასუხისმგებლობა იერიშზე.
შეერთებული შტატების კამპანია იემენში მას შემდეგ დაიწყო, რაც ღაზაში ჰუმანიტარული დახმარების შეტანის აკრძალვის გამო ჰუსიტები დაიმუქრნენ, რომ ისრაელის გემებს დაესხმებოდნენ თავს.
